Թուրքիայի նախագահ Ռեջեփ Թայիփ Էրդողանը հայտարարել է, որ անցյալ տարվա տնտեսական ճգնաժամը երկրում առաջացրել են արևմտյան երկրները, մասնավորապես Միացյալ Նահանգները:
Խոսքը 2018 թվականի օգոստոսին երկրում ստեղծված իրավիճակն է: Թուրքիայից ալյումինի և պողպատի մաքսերի կրկնակի ավելացման վերաբերյալ ԱՄՆ նախագահ Դոնալդ Թրամփի որոշման հետևանքով թուրքական լիրայի փոխարժեքը նվազել է դոլարի նկատմամբ` թարմացնելով պատմական նվազագույնը:
«Թուրքիայի արժութային շուկայում 2018 թվականի օգոստոսյան մանիպուլյացիաների հետևում կանգնած են մի շարք արևմտյան երկրների, հիմնականում Միացյալ Նահանգների փորձերը` ճնշում գործադրելու Անկարայի վրա», – ասել է Էրդողանը: