Բրիտանացի փոփ-երաժիշտ Էդ Շիրինը գաղտնի ամուսնացել է իր մանկության ընկերուհու՝ 26-ամյա Չերի Սիբոռնի հետ, գրում է The Sun թերթը:
Հարսանեկան արարողությունը տեղի է ունեցել Սուրբ Ծննդյան տոների նախօրեին անգլիական Սուֆոլքի կոմսությունում:
«Էդն ամուսնացել է Սուրբ Ծնունդից մի քանի օր առաջ, արարողությունը մարդաշատ չէր, դրան ներկա են եղել միայն երգչի դպրոցական ընկերները, ընտանիքի անդամները և քահանան», – հրատարակությանը պատմել է երաժշտի ծանոթներից մեկը:
Նրա խոսքով՝ հարսանիքին ներկա է եղել մոտ 40 մարդ: Շիրինը հարսանիքի ավելի ճոխ հանդիսություն է պլանավորում այս ամռան վերջին:
Սպասվում է, որ տոնակատարությունը կանցկացվի փառատոնի ձևով, դրան կհրավիրեն հայտնիների և բրիտանացի երգչի երկրպագուների:
ԽՈՐՀՈւՐԴ Է ՏՐՎՈւՄ ԿԱՐԴԱԼ
