Այսօր Ստրասբուրգում մեկնարկեց Եվրոպայի խորհրդի խորհրդարանական վեհաժողովի ձմեռային ու տարվա առաջին նստաշրջանը, որը կանցկացվի հունվարի 21-ից 25-ը։
Նստաշրջանի սկզբում ԵԽԽՎ-ն հաստատեց վեհաժողովի նոր անդամների մանդատները, որոնց թվում էին նաև ՀՀ պատվիրակության անդամները։
Վեհաժողովը ևս 1 տարով ԵԽԽՎ նախագահի պաշտոնում ընտրեց ներկայիս նախագահ Լիլիան Մորի Պասկիեին։ Ներկայացվել էր միայն նրա թեկնածությունը, որին դեմ արտահայտվողներ չեղան։
Վեհաժողովը նաև նստաշրջանի մեկնարկին 1 րոպե լռությամբ հարգեց Ստրասբուրգում տեղի ունեցած ահաբեկչության և Գդանսկի քաղաքապետ Պավել Ադամովիցի հիշատակը, ով դանակահարվել էր հունվարի 13-ին ու մահացել։
![](https://azat.tv/wp-content/uploads/2022/09/azattvlogoblack.png)