Facebook կորպորացիան նորացրել է տեսակապով խոսելու համար իր Portal սարքերի շարքը: Այս մասին, ինչպես փոխանցում է TACC-ը, ասված է ընկերության հայտարարության մեջ։
Facebook-ը Portal անվանումով սմարթ-դինամիկներ՝ էկրանով և խցիկով, առաջին անգամ ցուցադրել է 2018 թվականի հոկտեմբերին՝: Այն ժամանակ ընկերությունում հայտարարեցին, որ սարքերը նախատեսված են տեսակապով խոսելու համար, օրինակ՝ Messenger հավելվածի օգնությամբ: Ընկերությունն սկզբնապես ներկայացրել է երկու մոդել. 10 դյույմ (25,4 սանտիմետր) անկյունագծով դիսփլեյ ունեցող Portal-ը և Portal+-ը՝ 15,6 դյույմ (39,6 սանտիմետր) անկյունագծով: Սարքերի ծրագրային ապահովումը թույլ է տալիս որոշել, թե քանի մարդ է սենյակում գտնվում զրույցի ժամանակ, և խցիկը ֆոկուսավորել նրանց վրա:
Սեպտեմբերի 18-ին Facebook-ը ցուցադրել է ստանդարտ Portal՝ նոր դիզայնով, ինչպես նաև ութդյույմանոց (20,36 սանտիմետր) էկրանով Portal Mini-ն: Բացի այդ, ընկերությունն առաջին անգամ ցուցադրել է Portal TV անվանումով սարքը: Սա հեռուստացույցի՝ էկրան չունեցող կցուրդ է՝ խցիկով և միկրոֆոնով: Հեռուստացույցին միացնելիս սարքը թույլ է տալիս դրանով խոսել տեսակապով և պատկերի նկատմամբ կիրառել լրացված իրականության էֆեկտներ:
Ընկերությունում նշում են, որ Portal սարքերը երկու օգտատերերի թույլ են տալիս միաժամանակ միևնույն տեսանյութը դիտել Facebook Watch հարթակում: Եթե զրուցակիցները ցանկանում են կարծիքներ փոխանակել դիտած տեսանյութի վերաբերյալ, ցուցադրությունն ինքնաբերաբար կանգ է առնում: Facebook-ում հավաստիացրել են, որ Portal-ը մշակելիս հատուկ ուշադրություն են հատկացրել սարքերի սեփականատերերի անձնական տեղեկատվության պաշտպանությանը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
