«Wicked: For Good» ֆիլմում Ֆիյերոյի կերպարը դառնում է պատմության առանցքային մաս՝ համադրելով սեր, ինքնազոհաբերություն և վերափոխում։ Եթե Գրեգորի Մագուայրի բնօրինակ գրքում Ֆիյերոն ողբերգական ավարտ է ունենում՝ գաղտնի ոստիկանության ձեռքում զոհվելով, ապա ֆիլմում նրա ճակատագիրը փոխվում է․ Էլֆաբան, փորձելով փրկել նրան, կախարդանքով Ֆիյերոյին վերածում է Սկեյրքրոուի։ Այս փոխակերպումը նրան հնարավորություն է տալիս փրկվել և գտնել նոր կյանք՝ Էլֆաբայի հետ միասին հեռանալով Օզից։
Ֆիլմում սիրային եռանկյունին՝ Գլինդա, Ֆիյերո և Էլֆաբա, ներկայացված է զգուշությամբ․ ռեժիսորները և սցենարիստները հատուկ հեռացրել են Գլինդայի և Ֆիյերոյի կրքոտ համբույրի տեսարանը, որպեսզի չխաթարվի հերոսների հարաբերությունների բալանսը և Ֆիյերոյի ընտրությունը մնա համոզիչ։ Ֆիլմում Ֆիյերոյի կերպարի զարգացումը առավել մանրակրկիտ է՝ ընդգծվում է նրա հոգեբանական փոփոխությունը և նոր կապը Էլֆաբայի հետ։
Այս փոփոխությունները պատմությանը տալիս են հույսի և վերափոխման նոր շեշտադրում։ Ֆիյերոն դառնում է ոչ միայն կորուստի, այլև փրկության խորհրդանիշ՝ ապացուցելով, որ Օզի աշխարհում անգամ ամենամութ պահերին հնարավոր է գտնել նոր սկիզբ։