2025 թվականը նշանավորվեց Google-ի արհեստական բանականության ոլորտում մեծ առաջընթացով։ Ընկերությունը ներկայացրեց Veo 3.1 տեսանյութի գործիքը, որը թույլ է տալիս ստեղծել առավել իրականին մոտ տեսանյութեր՝ ընդամենը տեքստային հուշումով։ Այս նորույթը բավականին մեծ հետաքրքրություն է առաջացրել թե՛ տեխնոլոգիական, թե՛ գովազդային ոլորտներում, հատկապես առողջապահության ոլորտի համար։ Veo-ի միջոցով ստեղծված տեսանյութերը երբեմն այնքան բնական են, որ դժվար է տարբերել՝ իրական դերասա՞ններ են, թե՞ արհեստական բանականության ստեղծած կերպարներ։ Սակայն այս տեխնոլոգիայի հետ մեկտեղ առաջանում են նաև էթիկական հարցեր՝ մասնավորապես, թե որքանով են նման գործիքները ապահով տեղեկատվության տարածման տեսանկյունից։ Google-ը ներդրել է անվտանգության որոշակի ֆիլտրեր, սակայն փորձարկումները ցույց են տվել, որ համակարգը երբեմն կարող է ստեղծել նաև վիճահարույց կամ սխալ տեղեկատվություն պարունակող տեսանյութեր։
Բացի Veo-ից, Google-ը ներկայացրեց նաև Gemini 3 լեզվային մոդելը, որը գերազանցել է ChatGPT-ին մի շարք ցուցանիշներով։ Նոր Ironwood TPU չիպերի թողարկումը նույնպես զգալիորեն ուժեղացրել է ընկերության դիրքերը՝ տեխնոլոգիական և ֆինանասական շուկաներում։ Alphabet-ի բաժնետոմսերը կտրուկ աճել են, ինչը վկայում է ներդրողների վստահության մասին։ Միևնույն ժամանակ, նման արագ զարգացումները ստիպում են ողջ ոլորտին վերանայել ստեղծարարության և վստահության պահպանման սկզբունքները։ Այժմ, երբ արհեստական բանականությունը կարող է ստեղծել գրեթե իրականին հավասար բովանդակություն, կարևոր է չկորցնել մարդկային պատմությունների և ձայների արժեքը։