Ատլետիկոն կարող է յուրաքնչյուր մրցաշրջանում էլ հաղթել Չեմպիոնների լիգան։ Այս մասին ասել է Մադրիդի «Ատլետիկոյի» նախկին հարձակվող Անտուան Գրիզմանը՝ խոսելով, թե ինչու է ամառային տրանսֆերային պատուհանի ժամանակ տեղափոխվել «Բարսելոնա»: Այս մասին հաղորդում է Marca-ն։
«Ես «Ատլետիկոն» չեմ լքել, որ հաղթեմ Չեմպիոնների լիգան և ավելի շատ տիտղոսներ նվաճեմ։ «Բարսելոնա» եմ տեղափոխվել, որ նոր խաղաոճ յուրացնեմ և հանդիպեմ ֆուտբոլային նոր փիլիսոփայության:
Ինչ վերաբերում է «Ատլետիկո»-ին, ապա նա կարող է յուրաքնչյուր մրցաշրջանում էլ հաղթել Չեմպիոնների լիգան»,-ասել է ֆրանսիացի ֆուտբոլիստը:
Հիշեցնենք, որ Գրիզմանն ընթացիկ մրցաշրջանում «Բարսելոնայի» կազմում մասնակցել է 20 հանդիպման և դարձել 6 գոլի և 4 գոլային փոխանցման հեղինակ։