Կառավարությունը 2026 թվականին նախատեսում է 437 մլն դրամ ավել դոտացիա տրամադրել Գյումրու համայնքին, ինչը հնարավորություն կտա իրականացնել Գյումրիի մանկապարտեզներն անվճար դարձնելու ծրագիրը։
Ներկայումս Գյումրու մանկապարտեզներում հաճախող 2500 երեխայից գանձվող վարձավճարների ընդհանուր գումարը կազմում է տարեկան 120 մլն դրամ։ Այս փոփոխությունը թույլ կտա ավելի շատ երեխաների, հատկապես խոցելի խմբերի ընտանիքների երեխաներին, օգտվել նախադպրոցական կրթությունից։