Շրջակա միջավայրի նախարարը խոսել է հանքարդյունաբերության մասին

Շրջակա միջավայրի նախարար Ռոմանոս Պետրոսյանը Facebook-ի իր էջում գրել է․

«Վիճակագրական տվյալների համաձայն՝ 2019 թվականին Հայաստանի ՀՆԱ-ի մեջ հանքարդյունաբերության (հանքագործական արդյունաբերություն և բացահանքերի շահագործում) բաժինը կազմել է 2.8%։ Հարկային տարվա խոշոր հարկատուների առաջին տասնյակում 2-ը ներկայացնում են այս ոլորտը։

Հանքարդյունաբերության ազդեցությունը մեր երկրում մրցունակ տնտեսություն ունենալու, ներդրումային ոլորտի խթանման, սոցիալական խնդիրների լուծման և տարածաշրջանի զարգացման վրա շարունակում է մնալ կարևոր և ենթադրում է խիստ զգուշավոր վերաբերմունք։

Շրջակա միջավայրի կառավարումը և հանքարդյունաբերության ոլորտի ինովատիվ ծրագրերը պետք է բխեն Կառավարության կողմից իրականացվող քաղաքացիակենտրոն և պատասխանատու հանքարդյունաբերության քաղաքականությունից ու չստեղծեն բնապահպանական և առողջապահական այնպիսի իրավիճակներ, որոնք անդառնալի հետևանքներ կունենան թե՛ մեր ժողովրդի, թե՛ տարածաշրջանի շրջակա միջավայրի վրա»։

https://www.facebook.com/PetrosyanRomanos/posts/907858369724980?__cft__[0]=AZWALM1LPVoDCZj_5c1Tl16lDUTbE0uQIP7ysTKEQT5VbDYPzEJPErYWkopFPi1_d-WGpw1xRrJTQH0kt4C1JJuXJdufZV7AqyMbz1gjNtnpMV4VIcGYR54pa39DSof3jikfBxKmSJ9Gpg5Bpjm3-tgQDaQouZ5Ey5701tNWRN7U3A&__tn__=%2CO%2CP-R