Կայացել է Քիմիայի 53-րդ միջազգային օլիմպիադան, որին մասնակցել են նաև Հայաստանը ներկայացնող 4 աշակերտներ՝ ԵՊԲՀ «Հերացի» ավագ դպրոցի աշակերտ Հայկ Աղեկյանը, Կոտայքի մարզի Հրազդանի թիվ 13 ավագ դպրոցի սան Սևադա Ներսիսյանը, «Քվանտ» վարժարանի աշակերտ Լեոնիդ Ասատրյանը և Արագածոտնի մարզի Նորաշենի միջնակարգ դպրոցի սան Տիգրան Հարությունյանը։
Այս մասին տեղեկանում ենք ՀՀ ԿԳՄՍՆ պաշտոնական կայքից։
Օլիմպիադան անցկացվել է հուլիսի 25-ից օգոստոսի 2-ը։ Դրան մասնակցել են 79 երկրների 309 աշակերտներ։ Կազմակերպող երկիրը Ճապոնիան է։
Նախարարությունից հայտնում են, որ հայ դպրոցականներն արժանացել են 3 բրոնզե մեդալների։
Օլիմպիադան անցակցվել է առցանց ձևաչափով։
ԽՈՐՀՈւՐԴ Է ՏՐՎՈւՄ ԿԱՐԴԱԼ
