ՀՀ ոստիկանությունը հայտնել է, որ հունվարի լույս 17-ի գիշերը պարեկային ծառայության Երևանի գնդի ոստիկանները Կարապետ Ուլնեցու փողոցում կասկածելի «Մերսեդես» մակնիշի մեքենա էին նկատել։
«Կանգնեցրել էին։ Վարորդը, որ Դավիթաշենում բնակվող 25-ամյա երիտասարդ էր, փաստաթղթերը ստուգելու ընթացքում մեքենայից բուսական զանգվածով պլաստմասսայե տարա և պոլիէթիլենային տոպրակ էր նետել, ինչը չէր վրիպել պարեկների աչքից։ Պահպանելով դեպքի վայրը՝ նրանք օպերատիվ խումբ էին կանչել։ Ոստիկանության Քանաքեռ-Զեյթունի բաժնի օպերատիվ խումբը րոպեներ անց Կարապետ Ուլնեցու փողոցում էր։
- Խարդախությամբ հափշտակում են գումարներ օնլայն վարկ ձևակերպողներից․ ոստիկանություն (ՏԵՍԱՆՅՈՒԹ)
- Նախկին ՀՅԴ-ականը հրավիրվել է ոստիկանություն՝ վարչապետի հասցեին վիրավորական արտահայտությունների համար
Դեպքի վայրի զննությամբ հայտնաբերվեցին տարբեր տեսակի թմրամիջոցների նմանվող զանգվածներ, այդ թվում՝ բյուրեղանման զանգված և կաթուցիչներ։
25-ամյա երիտասարդը, մեքենայով հանդերձ, բերման ենթարկվեց ոստիկանության Քանաքեռ-Զեյթունի բաժին։
Ըստ նրա՝ բուսական զանգվածը մարիխուանա է, իսկ բյուրեղանմանը՝ այլ թմրամիջոց, որը գնել էր համացանցի միջոցով։
Նշանակվել է դատաքիմիական փորձաքննություն:
Հանգամանքները պարզվում են»,- ասվում է հաղորդագրության մեջ։
