Ավստրիայի Ազգային խորհրդի (խորհրդարանի ստորին պալատի) արտահերթ ընտրությունները տեղի կունենան սեպտեմբերի 29-ին։ Այս մասին ասել է խորհրդարանի մամուլի ծառայությունը թվիթերյան պաշտոնական էջում։
Մամուլի ծառայությունը նշում է, որ որոշումը միաձայն ընդունվել է Ազգային խորհրդի գլխավոր կոմիտեի կողմից։
Մայիսի 27-ին Ազգային խորհուրդը անվստահություն էր հայտնել Սեբաստիան Կուրցի կառավարությանը կառավարական ճգնաժամի հետ կապված՝ փոխկանցլեր Հայնց-Քրիսթիան Շտրախեի հրաժարականի համատեքստում։
Հունիսի 3-ին Ավստրիայի նախագահ Ալեքսանդեր վան դեր Բելենն ընդունեց հանրապետության նոր կանցլեր Բրիգիտե Բիրլյայնի և նրա անցումային կառավարության նախարարների երդումը ժամանակավոր աշխատանքի համար մինչև Ազգային խորհրդի արտահերթ ընտրությունները։
