1.Սահմանազատումը տեղի է ունենում հատվածական, առանց ամբողջական սահմանագծի վերաբերյալ պատկերացումների, առանց առկա բոլոր վեճերի լուծման, առանց միջազգային պայմանագրի կնքման, հանրաքվեի կամ ԱԺ կողմից վավերացման։ Անորոշ է օկուպացված տարածքների վերադարձի հարցը, անկլավների թեման։
2.Սահմանն անցնելու է մեր գյուղերի միջով, թշնամին կանգնելու է դպրոցների մոտ։ Ոտնահարվում են մարդկանց ազատ ապրելու, ազատ տեղաշարժի, սեփականության և այլ իրավունքները, խախտվում է անվտանգությունը։ Սեփականության վկայականով մարդկանց պատկանող տներ ու հողամասեր առանց որևէ հիմնավորման տրվում են հակառակորդին։
3.Միջպետական ճանապարհը մի քանի տեղ կարող է անցնել հակառակորդին։ Այլընտրանքային ճանապարհները անվտանգ չեն, նորի կառուցումը անիմաստ է, քանի որ անցնելու է իրենց կողմից զբաղեցվող բարձունքների մոտակայքով։
4.ՀՀ մտնող հիմնական գազամուղը անցնելու է անմիջապես հակառակորդի քթի տակով և հեշտ կարող է փակվել կամ պայթեցվել։
5.Տասնամյակներով կառուցված ամուր պաշտպանական գծերը, ականապատ դաշտերն ու իշխող բարձունքները կորցնելու հետո հակառակորդը կարող է լեռներով և անտառներով հարձակվել և գրավել Տավուշի ու Լոռու մարզերի կեսը։
