Հիմնանորոգվում է Գառնի-Լանջազատ ճանապարհը

Տարածքային զարգացման հիմնադրամի և Համաշխարհային բանկի ֆինանսավորմամբ շարունակվում են Գառնի-Լանջազատ ճանապարհահատվածի հիմնանորոգման աշխատանքները:

Այս մասին հայտնում են Արարատի մարզպետարանի Facebook-ի էջից։

Ծրագրի իրականացումը էական նշանակություն կունենա զբոսաշրջության զարգացման համար՝ անվտանգ և ժամանակակից ճանապարհի հնարավորություն ընձեռելով դեպի Դվինի հնավայր, Ազատ գետ և Գառնու տաճար:

Ճանապարհի հարակից հատվածներում նոր զբոսաշրջային գոտիների և ժամանցի վայրերի հիմնման հնարավորություն կստեղծվի:

Կոտայքի և Արարատի մարզերն իրար կապող միակ կարճ ճանապարհը 18 կմ է, որից 10 կմ-ը Արարատի մարզի տարածքում է, 8-ը՝ Կոտայքի: