Այդ խոսակցությունն իմ կողմից շարունակելու անհրաժեշտություն չեմ գտնում, լրագրողներին ասաց ՀՀ վարչապետի պաշտոնակատար Նիկոլ Փաշինյանն՝ անդրադառնալով Բելառուսի նախագահ Լուկաշենկոյի հայտարարություններին:
«Հավաստիացնում եմ, որ պարոն Լուկաշենկոյի բոլոր հարցերին տեղում տրվել են կոնկրետ և սպառիչ պատասխաններ ու տպավորություն ունեի, թե բավարարված է այդ պատասխաններով, հետո ինչ է տեղի ունեցել, անկեղծ ասած, չգիտեմ», – ասաց նա:
Նա ընդգծեց, որ Սանկտ Պետերբուրգում կայացած ԱՊՀ գագաթնաժողովից վերադառնալուց հետո իրեն լրագրողների կողմից բազմիցս հարցեր են ուղղվել, թե ինչ է այնտեղ քննարկվել, մինչդեռ ինքը կոռեկտ չի համարել բարձրաձայնել փակ դռների հետևում տեղի ունեցած խոսակցությունը.
«Ես ասել եմ, որ բավարարված եմ այդ խոսակցությունից: Հիմա էլ եմ հաստատում, որ բավարարված եմ և այդ խոսակցությունն իմ կողից շարունակելու անհրաժեշտություն չեմ գտնում: Հնարավոր է, որ լինեն մարդիկ, ովքեր բավարարված չեն, և բավարարվելու համար դեռ երկար խոսեն այդ մասին», – ասաց Փաշինյանը:
Անդրադառնալով Լուկաշենկոյի այն արձագանքին, թե ինո՞ւ Փաշինյանը ՌԴ նախագահի առաջ չի դնում Ադրբեջանին զենք մատակարարելու հարցը՝ Փաշինյանն ասաց.
«ՌԴ նախագահի հետ մեր շփումներում հարցը բարձրացվել է»:
ԽՈՐՀՈւՐԴ Է ՏՐՎՈւՄ ԿԱՐԴԱԼ
