Երեկ՝ սեպտեմբերի 11-ին, ժամը 17։48-ին ահազանգ է ստացվել, որ Կամարիս գյուղի 7-րդ փողոցի տներից մեկում հրդեհ է բռնկվել, հայտնում են ՀՀ ԱԻՆ պաշտոնական կայքից։
- Հրդեհ Մալիշկայում․ այն հաջողվել է մարել 8 ժամ անց
- Գեղարքունիքի մարզում տեղի է ունեցել մահվան ելքով ավտովթար
Նշվում է, որ դեպքի վայր են մեկնել հրշեջ-փրկարարական ջոկատներից երկու մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է Կամարիս գյուղի 7-րդ փողոցի տներից մեկին մոտակա խորդանոցում (մոտ 100 քմ):
ԱԻՆ-ից տեղեկացնում են, որ հրդեհը մեկուսացվել է ժամը 18:30-ին, մարվել՝ 19:52-ին: Այրվել են փայտե արկղեր (մոտ 80 հատ), խորդանոցի փայտե կառուցատարրեր (մոտ 30 քմ) և 15 պտղատու ծառ՝ մասամբ:
