Թուրքիայում շարունակվում են համատարած անտառային հրդեհները։
Վերջին շրջանում այդ երկրի հարավում բռնկված հրդեհներից արդեն վնասվել է 5 նահանգ ու 78 բնակավայր։
Այս մասին հայտարարել են Թուրքիայի պետական կառույցներից։
Նշվում է, որ վերջին օրվա ընթացքում մարվել է հրդեհի 147 օջախ, իսկ այս պահին պայքար է տարվում 9 օջախների դեմ։
Հրդեհաշիջման աշխատանքներին ներգրաված է շուրջ 5200 մարդ ու տասնյակ տեխնիկաներ։
Ըստ տարբեր աղբյուրների, Թուրքիայում հրդեհներից զոհերի թիվը հասել է 8-ի, ևս 864-ը ստացել են տարբեր վնասվածքներ։