19 իրանցի նավաստիներ մահացել են, իսկ առնվազն 15-ը վիրավորվել են այն բանից հետո, երբ Օմանի ծոցում ուսումնամարզական վարժանքների ընթացքում արձակված հրթիռները հարվածել են Յասկ նավահանգստի մերձակայքում գտնվող նավին ՝ Թեհրանից մոտ 1,270 կմ հարավ-արևելք հեռավորության վրա:
Երկուշաբթի իրանական ԶԼՄ-ները հաստատեցին, որ հրթիռը հարվածել է Կոնարակին, որին հանձնարարված էր թիրախներ տեղադրել ջրի մեջ: Առնվազն 12 նավաստի տեղափոխվել է հիվանդանոց, ևս 3-ը ստացել են թեթև վնասվածքներ:
Իրանն ի սկզբանե հայտարարել էր մեկ նավաստու մահվան մասին, բայց ժամեր անց զոհերի թիվը հասել է 19-ի:
Հոլանդական արտադրության նավը, որը 2018 թվականին ծովային և հակաօդային հրթիռներ կրակելու հնարավորություն էր ստացել, ծառայության էր անցել ավելի քան 30 տարի և սովորաբար ունենում էր 20 նավաստիներից կազմված անձնակազմ:
Աղբյուրը՝ euronews.com
