Իրաքում դատարանը մահապատժի է դատապարտել Ֆրանսիայի 11 քաղաքացու։ Նրանք կասկածվում են «Իսլամական պետություն» ահաբեկչական կազմակերպության հետ կապերի մեջ։ Դատապարտվածները կարող են բողոքարկել վճիռը 30 օրվա ընթացքում։ Այս մասին հայտնում է France 24 հեռուստաալիքը։
Իրաքի օրենսդրությամբ՝ ահաբեկչական խմբավորումներին միանալը պատժվում է մահապատժով։
Հաղորդվում է, որ 2018 թվականի սկզբից Իրաքում տարբեր պատժաժամկետների ու մահապատժի է դատապարտվել ավելի քան 500 օտարերկրացի, սակայն նրանցից ոչ մեկը դեռևս կախաղան չի բարձրացվել։