Իռլանդական CityJet ավիաընկերությունը հրաժարվել է ռուսական Sukhoi Superjet 100 ինքնաթիռների շահագործումից: Այս մասին հայտնում է «Ведомости»-ն:
Աղբյուրը հայտնում է, որ ներկայում ավիաընկերության պաշտանական կայքից հեռացվել են ինքնաթիռի մասին բոլոր հիշատակումները: Հեռացված է նաև Sukhoi Superjet ինքնաթիռի մասին տեղեկատվության բաժինը:
Հիշեցնենք, որ ռուսական օդանավերից հարաժարվելու ծրագրերի մասին առաջինը հայտարարել է «Սուխովի քաղաքացիական ինքնաթիռներ» ընկերության ներկայացուցիչ Ալեքսանդր Ռուբցովը:
CityJet ընկերությունը եվրոպական միակ կազմակերպությունն էր, որ շահագործում էր ռուսական Sukhoi Superjet 100 ինքնաթիռը: Հաղորդվում է, որ պայմանագրի համաձայն՝ ընկերությունը նախատեսում էր ձեռք բերել այսպիսի 15 ինքնաթիռներ, սակայն, դրանց թիվը ներկայում 7-ն է:
Փոխանցում է shantnews.am-ը։