Ջեյք Փոլն ու Էնթոնի Ջոշուան՝ ռեկորդային գումարով, բայց վիճելի մենամարտով

Դեկտեմբերի 19-ին Մայամիում կկայանա Ջեյք Փոլի և Էնթոնի Ջոշուայի մենամարտը, որն արդեն դարձել է միջազգային քննարկման առարկա։ Ջեյք Փոլը՝ յութուբից բռնցքամարտի աշխարհ մուտք գործած ամերիկացի նորեկ, այս անգամ հանդիպում է ծանր քաշային նախկին չեմպիոն Էնթոնի Ջոշուային։ Մենամարտը լինելու է ութ ռաունդ, և նախատեսվում է, որ երկու մարզիկն էլ կստանան ռեկորդային գումարներ։ Ըստ լրատվամիջոցների՝ Ջոշուան կարող է վաստակել մինչև 50 միլիոն դոլար։ Այս հանդիպումը հեռարձակվելու է Netflix-ով՝ ապահովելով միլիարդավոր դիտումներ ամբողջ աշխարհում։Հայտնի է, որ Ջոշուան, իր մարզական կարիերայի մայրամուտին, նախընտրել է այս գերլյուքս առաջարկը՝ փոխարենը սպասվող մենամարտի՝ Թայսոն Ֆյուրիի հետ։ Փոլն իր հերթին փորձում է ապացուցել, որ կարող է մրցել իսկական բռնցքամարտիկի հետ՝ չնայած փորձի ու քաշի մեծ տարբերությանը։ Բազմաթիվ փորձագետներ և մարզիկներ քննադատում են մենամարտի գաղափարը՝ նշելով, որ այն վտանգավոր է Փոլի համար։ Սակայն ֆինանսական ու հեռուստատեսային հետաքրքրությունը գերակշռում են սպորտային սկզբունքներին։Այս հանդիպումը դարձավ հերթական վկայությունն այն մասին, թե ինչպես է բռնցքամարտը փոխվում՝ դառնալով գլոբալ շոու և բիզնես։ Նույնիսկ եթե այս մենամարտը չի արդարացնում սպորտային ակնկալիքները, այն պատմական պահ է՝ ցույց տալով, որ մեծ գումարները և հանրային ուշադրությունը կարող են փոխել սպորտի ավանդույթները։