«5165» կուսակցության առաջնորդ Կարին Տոնոյանն այցելել է Ազատության հրապարակ ու կոչ արել բոլորին միանալ պայքարին։
Նա նշել է, որ այսօրվանից կուսակցությունը ժամանակավորապես դադարեցնում է իր գործունեությունը ու համախմբվում է վարչապետ «Նիկոլ Փաշինյանին հեռացնելու, Արցախը փրկելու և Հայաստանն այս ճգնաժամից հանելու գաղափարի շուրջ»։
Տոնոյանի խոսքով՝ նրանք այսօր ասելու են, թե ինչու պետք է հեռանա Փաշինյանը, ինչ գործողություններ են անելու դրա համար և ինչ է լինելու դրանից հետո։
«Սա խմբային պայքար չէ, սա վեր է բոլոր խմբային և անձնային շահերից», – ասել է Կարին Տոնոյանը։
