«Ուժը միասնության մեջ է» շարժման առաջնորդ Դավիթ Կացարավան նշել է, որ սահմանազատման հարցերով հանձնաժողովի պասիվությունը կասկածներ է հարուցում առ այն, որ վրացական իշխանությունները Դավիթ Գարեջին հանձնել են Ադրբեջանին: Չնայած սպասումներին, Դավիթ Գարեջիի վանական համալիրի շուրջ իրավիճակը չի փոխվել:
Նա հայտնել է, որ Վրաստանի քաղաքացիները, ինչպես նաև զբոսաշրջիկները, հնարավություն չունեն մոտենալու համալիրի մի հատվածին: Կացավարան նաև նշել է, որ այսօր կայանալիք նախաձեռնող խմբի նիստին մտադիր է հատուկ դիմում ուղարկել սահմանազատման հարցերով հանձնաժողովին: Խումբը պահանջելու է, որ հանձնաժողովը հայտարարություն անի առկա խնդրի վերաբերյալ, քանի որ, ըստ նրա, հարցի շուրջ տիրում է տեղեկատվական վակուում: Իշխանությունների կողմից չկա հարցին վերաբերող որևէ տեղեկատվություն:
Դավիթ Կացարավան նշել է, որ տաճարների մուտքը իրենց համար սահմանափակվել է: Մոտենալ կարելի է միայն վանքին:
«Եթե հաշվի առնենք, որ սահմանազատման հարցերով հանձնաժողովը սկսել է աշխատանքը, մենք դա համարում ենք մտահոգիչ: Հուլիսի 24-ի դրությամբ՝ անապատի վանք տանող ճանապարհին ադրբեջանական կողմն ավելացրել է սահմանապահների թիվը: Լուսանկարներում և տեսանյութերում երևում է, որ տարածքում կա միայն ութ վրացի սահմանապահ, իսկ ադրբեջանական կողմից սահմանապահների թիվը 20-ից ավելին է: Սահմանազատման հարցերով պետական հանձնաժողովի պասիվությունը կասկածների տեղիք է տալիս, որ վրացական իշխանությունները հանձնել են Դավիթ Գարեջին», – հավելել է նա:
ԽՈՐՀՈւՐԴ Է ՏՐՎՈւՄ ԿԱՐԴԱԼ
