ԿԸՀ-ն հետաձգել է հանձնաժողովների անդամների և սպասարկող մասնագետների դասընթացները

ՀՀ կենտրոնական ընտրական հանձնաժողովի Facebook-ի պաշտոնական էջում գրված է․

«ՀՀ Սահմանադրության փոփոխությունների 2020 թվականի ապրիլի 5-ի հանրաքվեի
– տեղամասային ընտրական հանձնաժողովների անդամներին,
– տեխիկական սարքավորումներն սպասարկող մասնագետներին:

Հարգելի գործընկերներ,
Կորոնավիրուսի վարակի տարածման հավանականությունը նվազեցնելու, առողջապահության համակարգի արդյունավետությանը նպաստելու և վարակը հաղթահարելու անհրաժեշտությամբ պայմանավորված Կենտրոնական ընտրական հանձնաժողովը տեղեկացնում է, որ
– 2020 թվականի մարտի 15-ից տեղամասային ընտրական հանձնաժողովների անդամների և տեխնիկական սարքավորումներն սպասարկող մասնագետների նախապես հայտարարված դասընթացների օրերը տեղափոխվում են.
– Դասընթացների անցկացման նոր օրերի վերաբերյալ կլինի լրացուցիչ հայտարարություն և տեղեկացում:
Կոչ ենք անում նաև խստորեն հետևել Առողջապահության նախարարության ցուցումներին, խուսափել զանգվածային միջոցառումներին մասնակցելուց։

Հարգանքով և առողջության մաղթանքով՝ Կենտրոնական ընտրական հանձնաժողով»:

Կորոնավիրուսի տարածման վիճակագրությանը իրական ժամանակում կարող եք հետևել այս էջում՝ azat.tv/coronavirus ։

https://www.facebook.com/permalink.php?story_fbid=2914261555301579&id=176066689121093&__xts__%5B0%5D=68.ARDjWfy29N2lUEr6FfC6L0-VEGq8YrZzud4K-D49gNbFHRKrgPbu3QEPskULHs4b-9i06nIeC80RpHfaS1W18e8bzTTRecT18fT4P8_wDw9X34ftRFeYczwFfGF5UEOnOV5MQULl3wF1s2k4ueMBDqTXf2zKYdMeTHilnh2KGlUlLeDBHjpK_KnSzOMZSXPglvbJMtYd8a-lnX4V0oXP4RWG372zqjYJ1WncNUQDCPBIkR6Qwwxn3mhzrlNAQOk_4hMGwIwxtNZfoyQWOhyOCqDx8puG0bD6CA30ZvJh0GhPXB-d8hufvohSCtfm2U9bx9ypTutCvQbPr-EDIeFWzA&__tn__=-R