Լեհաստանը հայտարարել է, որ, ամենայն հավանականությամբ, ընկած հրթիռը պատկանել է Ուկրաինային

Լեհաստանի նախագահ Անջեյ Դուդան հայտնել է, որ երկրի տարածքում ընկած հրթիռը, ամենայն հավանականությամբ, պատկանել է ուկրաինական ՀՕՊ համակարգին, գրում է Reuters-ը։

Նրա խոսքով՝ ամենայն հավանականությամբ դա եղել է 70-ականներին արտադրված հին Ս-300 հրթիռ: Քաղաքական գործիչը մատնանշել է Լեհաստանի վրա միտումնավոր հարձակման ապացույցների բացակայությունը։ Վարշավան նաև նշել է, որ ապացույցներ չունի, որ հրթիռը կարող էր արձակվել ռուս զինվորականների կողմից։