ՀԱԿ փոխնախագահ Լևոն Զուրաբյանը ֆեյսբուքյան իր էջում անդրադարձել է Նիկոլ Փաշինյանի կերպարին և նրա գործողություններին, որոնք, ըստ նրա, ուղղված են սեփական իշխանության պահպանմանը։ Զուրաբյանը նշում է, որ Փաշինյանը հանուն օտար տերերի ակնկալիքների զոհաբերել է հազարավոր մարդկանց կյանքը, ինչի հետևանքով միլիոնավոր մարդիկ վտանգի տակ են հայտնվել։ Նա ընդգծում է, որ այս իրավիճակում Փաշինյանը հայտարարում է զոհաբերված մարդկանց հիշատակի օր, ինչը համարում է սրբապղծություն։
«Հանուն սեփական իշխանության ու օտար տերերի ակնկալիքների զոհաբերել հազարավոր մարդկանց կյանքը և միլիոնավոր մարդկանց անվտանգությունն ու արժանապատվությունը («որ մեզ չասեն դավաճան», «որ հաշտությունը Ադրբեջանի հետ և երկխոսությունը Թուրքիայի հետ հնարավոր դառնա»), իսկ հետո` հայտարարել զոհաբերված մարդկանց հիշատակի օր և խոնարհվել նրանց առաջ: Ավելի շնորհալի սրբապիղծ մեր հողը դեռ չէր ծնել», – գրել է Զուրաբյանը։