Հայաստանում այժմ գործում է էլեկտրոմոբիլների լիցքավորման 19 կետ, բայց շուտով դրանց քանակը կավելանա ևս 10-ով։
Այս մասին հայտնել է Ուկրաինայի հայերի միության անդամ Ռոման Չոբանյանը։
Նա նշել է, որ մինչև տարվա վերջ ՀՀ-ում կլինի արդեն 29 լիցքավորման կայան։
Այս պահի դրությամբ էլեկտրոմոբիլների լիցքավորման կետեր կան Երևանում, Իջևանում, Ապարանում, Ստեփանավանում, Աբովյանում, Սևանում և Ջերմուկում։
Չոբանյանը հույս է հայտնել, որ այդ քայլով կնպաստեն Հայաստանում էլեկտրական տրանսպորտի զարգացմանը։