90 տարեկան հասակում կյանքին հրաժեշտ է տվել անվանի դերասան, առաջին Ջեյմս Բոնդ՝ Շոն Քոներին։
Շոտլանդացին մահացել է հոկտեմբերի 31-ին՝ Բահամյան Կզղիներում գտնվող իր առանձնատանը։ Քոներիի որդին՝ Ջեյսոնը, պատմել է, որ հայրը խաղաղությամբ իր մահկանացուն կնքել է քնած ժամանակ այն բանից հետո, երբ նա երկար ժամանակ է արդեն ինչ հիվանդ էր։
«Տխուր օր է բոլոր նրանց համար, ովքեր ճանաչում և սիրում էին հորս, և ցավալի կորուստ է ամբողջ աշխարհում գտնվող այն մարդկանց համար, ովքեր հաճույք էին ստանում նրա դերասական տաղանդից», – ասել է Ջեյսոնը BBC-ի հետ զրույցում։
Իր կարիերայի ընթացքում Քոներին նկարահանվել է ավելի քան 70 ֆիլմում, որոնցից ամենահայտնին «Գործակալ 007»-ն է, որտեղ նա կատարում էր Ջեյմս Բոնդի դերը, և որը մեծ ճանաչում բերեց Քոներիին։
Դերասանը արժանացել է մի շարք պարգևների, որոնց թվում՝ «Օսկար», BAFTA և «Ոսկե գլոբուս»։
Քոներին վերջին տարիներին քիչ էր երևում հանրության առաջ և հանգիստ կյանքը իր նկարչուհի զուգընկերոջ՝ Միշելին Ռոկբրյունի հետ։