Հանրային սննդի ոլորտում աշխատող McDonald’s ամերիկյան կորպորացիայի նախագահ Սթիվ Իսթերբրուքն ազատվել է պաշտոնից։ Պատճառը աշխատակցի հետ սիրավեպն է: Այս պաշտոնում նրան կփոխարինի 51-ամյա Քրիս Քեմպինսկին։ Այս մասին հաղորդում է Fox News-ը:
«Ղեկավարությունը այն եզրակացությանն է եկել, որ նա խախտել է ընկերության քաղաքականությունը՝ աշխատակցուհու հետ փոխադարձ համաձայնությամն հարաբերություններ ունենալով»,-նշված է ընկերության հաղորդագրության մեջ:
Նախկին տնօրենի փաստաբանի խոսքով է՝ Իսթերբրուքը երախտապարտ է McDonald’s-ում անցկացրած իր ժամանակի համար և շարունակում է հավատալ ընկերության ապագային:
Փաստաբանը նաև նշել է, որ արդեն նախկին տնօրենը ընդունում է իր սխալը և ամբողջովին համամիտ է ընկերության որոշման հետ՝ հավելելով, որ նա մեկնաբանությամբ հանդես կգա ավելի ուշ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
