«Բարսելոնա»-ի և Արգենտինայի ազգային հավաքականի առաջատար Լիոնել Մեսսին անորոշ ժամանակով դուրս է մնացել շարքից: Այս մասին 32-ամյա ֆուտբոլիստը գրել է ֆեյսբուքյան իր էջում:
«Ես պատրաստվում էի մեկնարկել, բայց, դժբախտաբար, առաջին իսկ մարզմանը խնդիրներ առաջացան։ Դա նշանակում է, որ որոշ ժամանակով շարքից դուրս կմնամ։
Շնորհակալ եմ մաղթանքների և ուշադրության համար։ Ցանկանում էի թիմի և երկրպագուների հետ լինել ԱՄՆ-ում։ Այս անգամ դա հնարավոր չի լինի, բայց շուտով կհանդիպենք։ Գրկում եմ բոլորիդ»,- գրել է Մեսսին:
Ավելի վաղ տեղեկացրել էինք, որ Մեսսին առաջին մարզումն է անցկացրել Էռնեստո Վալվերդեի թիմի կազմում հանգստից վերադառնալուց հետո: Մարզման ընթացքում Մեսսին աջ ոտքի մկանային վնասվածք է ստացել:
https://www.facebook.com/leomessi/photos/a.699374540082143/2977875908898650/?type=3&theater
