Ամերիկացի դերասանուհի Շերոն Սթոունը The Hollywood Reporter-ի կողմից կազմակերպված Raising Our Voices ընթրիքի ժամանակ Հոլիվուդին մեղադրել է դաժանության մեջ։ Նրա խոսքերը մեջբերում է Daily Mail-ը։
65-ամյա դերասանուհին պատմել է, որ 2001 թվականին ինսուլտից հետո դժվարացել է աշխատանք գտնել: Նա յոթ տարի է, ինչ ապաքինվում է։ Դերասանուհու խոսքով՝ այս իրադարձությունից հետո գրեթե 20 տարի նա չէր կարողանում արժանապատիվ աշխատանք գտնել Հոլիվուդում։ Սթոունը դատապարտել է համակարգը նման անտարբերության համար։
«Երբ դա եղավ, ես չէի ուզում որևէ մեկին ասել, քանի որ դուք գիտեք, որ եթե ձեզ հետ ինչ-որ բան այն չէ, դուք կարևորված չեք»,- կիսվել է դերասանուհին։
«Ես կոտրել եմ շատ ապակե առաստաղներ և ուզում եմ ձեզ ասել, որ ցավալի էր <…> Ցավալի էր սահմաններ դնելը. սահմանները, երբ ես չէի ուզում պայմանագիրս ստորագրել այն օրը, երբ սկսեցինք նկարահանվել»,- ասաց դերասանուհին։