Ֆրանսիայի իշխանությունները հայտնում են, որ հրշեջները փորձում են մարել հրդեհը, որը բռնկվել էր Միջերկրական ծովի Կորսիկա կղզում՝ փոքր գյուղի տարածքում, հաղորդում է Associated Press-ը: Ինչպես հաղորդում են տեղի իշխանությունները, ուժգին քամիների հետեւանքով ի հայտ են եկել հրդեհի տասնյակ օջախներ: Նշվում է, որ Կալենզանա քաղաքի մոտակայքում հրդեհը տարածվել է ավելի քան 1 500 ակր հողի երկայնքով, սակայն տներին եւ մարդկանց առողջությանը հասցված վնասի մասին չի հաղորդվում:
Նահանգի ղեկավարությունը հայտնում է, որ հրդեհն այլեւս չի սպառնում քաղաքին, սակայն այն դեռ պետք է վերջնականապես մարել: Հրդեհը տեղայնացնելու եւ մարելու համար դեպքի վայր են մեկնել շուրջ 110 ոստիկաններ եւ հրշեջներ:Slaq.am – Լրատվական աղբյուր