ՀՀ նախագահ Արմեն Սարգսյանն առկա իրավիճակը քննարկելու և ճգնաժամը հաղթահարելուն ուղղված փոխընդունելի լուծումներ գտնելու նպատակով Հանրապետության վարչապետին, խորհրդարանական խմբակցությունների ղեկավարներին և «Հայրենիքի փրկության շարժման» ղեկավարներին ս/թ մարտի 13-ին՝ ժ. 12:00-ին, հրավիրում է հանդիպման նախագահական նստավայրում:
Արմեն Սարգսյանը վերահաստատում է այն համոզմունքը, որ տարաձայնությունների կարգավորման միակ ուղին բանակցություններն ու երկխոսությունն են։
Հանրապետության նախագահի աշխատակազմն ակնկալում է մինչև ս/թ մարտի 11-ը՝ ժամը 18:00-ն, հրավիրյալներից արձագանք ստանալ հանդիպման մասնակցության վերաբերյալ: