fbpx
Առողջապահություն

Լենա Նազարյանը պատվաստվել է չինական պատվաստանյութով

Այսօր ՀՀ ԱԺ փոխնախագահ Լենա Նազարյանը ստացել է կորոնավիրուսային հիվանդության դեմ Սինովակ ընկերության ԿորոնաՎակ (CoronaVac) պատվաստանյութի առաջին չափաբաժինը։

Այս մասին տեղեկանում ենք Նազարյանի Facebook-ի էջից։

««ԿորոնաՎակ» (CoronaVac) պատվաստանյութը ցուցված է 18 տարեկան և բարձր տարիքի ռիսկի խմբի անձանց շրջանում կորոնավիրուսային հիվանդության (COVID-19) դեմ պատվաստումների իրականացման համար: Կիրառվում է երկու դեղաչափով` յուրաքանչյուրը 0,5 մլ: Երկրորդ դեղաչափն իրականացվում է առաջին դեղաչափից 28 օր հետո», – գրել է Նազարյանը:

Այս պատվաստանյութը Հայաստանին մայիսի 2-ին տրամադրել է բարեկամ Չինաստանի Ժողովրդական Հանրապետության կառավարությունը՝ կորոնավիրուսային հիվանդության (COVID-19) համավարակի կանխարգելման միջոցառումների շրջանակում (100,000 դեղաչափ՝ 50,000 անձի համար):

ԱՄԵՆԱԴԻՏՎԱԾՆԵՐԸ

ՎԵՐ