Netflix հոսքային ծառայությունն արգելել է հաշվի գաղտնաբառերը անվճար տրամադրել այլ մարդկանց, այժմ այս ծառայությունը կարժենա ամսական 7,99 դոլար (մոտ 600 ռուբլի): Այս մասին հայտնում է Variety-ն։
Netflix-ը հայտնել է, որ հոսքային ծառայությունը սկսում է ճնշում գործադրել գաղտնաբառերի անօրինական տարածման դեմ իր ամենամեծ շուկայում՝ Միացյալ Նահանգներում: «Ձեր Netflix հաշիվը ձեզ և այն մարդկանց համար է, ում հետ դուք ապրում եք», – ասվում է հաճախորդներին ուղղված նամակում: Այն ընդգծում է, որ ընտանիքի անդամ չհանդիսացող մարդկանց հետ հաշիվը կիսելու համար օգտատերերը ստիպված կլինեն ամսական վճար վճարել։
Ընկերությունը հայտարարել է, որ կսկսի արգելափակել սարքերը (որոշ ժամանակ անց), որոնք կփորձեն մուտք գործել Netflix հաշիվ՝ առանց համապատասխան վճարման:
