Նեղոս գետում՝ Սուդանի մայրաքաղաք Խարթումի շրջանում, 40 մարմին է հայտնաբերվել: Այս մասին հաղորդում է BBC-ի ռուսական ծառայությունը:
Ամենայն հավանականությամբ, բոլորը եղել են ընդդիմադիրներ, որոնց սպանել են զինվորականները վրանային ճամբարը ցրելու ժամանակ:
Տարբեր տեղեկություններով՝ վերջին երկու օրերին Խարթումում շուրջ հարյուր մարդ է սպանվել: Իսկ Սուդանի արտգործնախարարությունը, ըստ Reuters-ի, հայտարարել է, որ զոհերի թիվը չի գերազանցում 46-ը:
Հունիսի 3-ին Սուդանի բանակը սկսել էր ցրել Խարթումում անցկացվող ցույցը: Զինվորականները ցուցարարների նկատմամբ հրազեն էին կիրառել:
Հիշեցնենք, որ ապրիլին հեղաշրջում անելուց և նախագահ Օմար ալ-Բաշիրին պաշտոնանկ անելուց հետո Սուդանը ղեկավարում է «Անցումային ռազմական խորհուրդը»: Ցուցարարները բողոքում են զինվորական իշխանության դեմ և պահանջում երկրում քաղաքացիական կառավարություն ստեղծել:
ԽՈՐՀՈւՐԴ Է ՏՐՎՈւՄ ԿԱՐԴԱԼ
