ԱՄՆ նախկին նախագահ Բարաք Օբաման կիսվել է 2023 թվականի իր սիրելի ֆիլմերի ցանկով։
«Այս տարվա սկզբին գրողներն ու դերասանները գործադուլ էին անում՝ հանուն ավելի լավ աշխատանքային պայմանների եւ պաշտպանության: Սա հանգեցրեց կարեւոր փոփոխությունների, որոնք կվերափոխեն ոլորտը դեպի լավը», – գրել է Օբաման X սոցիալական ցանցում, որը նախկինում հայտնի էր որպես Twitter:
Օբաման ցանկում ներառել է իր եւ իր կնոջ՝ Միշել Օբամայի կողմից հիմնադրված Higher Ground ընկերության արտադրած ֆիլմերը: Նրա սիրելի ֆիլմերից են «Ռասթին»-ը, «Թող աշխարհը հետեւում» -ը եւ «Ամերիկյան սիմֆոնիա»-ն: «Այս ֆիլմերը արտադրվել են Higher Ground-ի կողմից, բայց դրանք, իսկապես, երեք լավագույն ֆիլմերից են, որոնք ես դիտել եմ այս տարի»,-գրել է նա:
Օբաման նաեւ կիսվել է տարվա իր «մյուս» սիրելի ֆիլմերով, որոնց թվում է՝ Քրիստոֆեր Նոլանի «Օպենհայմերը»:
Ցանկում ներառվել է նաև Բեն Աֆլեքի «Օդ» ֆիլմը, որը պատմում է Air Jordan բասկետբոլի ափի ծագման մասին: Օբամայի ցուցակում հայտնված մյուս ֆիլմերից են՝ «Մնացորդները», «Բլեքբերին», «Ամերիկյան ֆանտաստիկան», «Անկման անատոմիան», «Հրեշը», «Անցյալ կյանքերը» եւ «Քաղաքավարի հասարակությունը»: