Ռուսաստանի պետական ակադեմիական Մեծ թատրոնը (ՊԱՄԹ), որը սեպտեմբերի 17-ին բացում է հերթական տարեշրջանը, նոր ստեղծագործական տարում հանդիսատեսներին խոստանում է առնվազն տասը պրեմիերա, ինչպես նաև ականավոր իսպանացի տենոր Պլաչիդո Դոմինգոյի դեբյուտը, որն առաջին անգամ հանդես կգա Մոսկվայի Մեծ թատրոնի օպերային ներկայացման մեջ: Այս մասին TACC-ին հայտնել է թատրոնի գլխավոր տնօրեն Վլադիմիր Ուրինը:
«Առաջիկա 244-րդ սեզոնի պլանները հայտարարվել են դեռ ապրիլին, բայց այն ժամանակ մի քանի իրադարձություն վաղաժամ կլիներ ազդարարել: Ես նկատի ունեմ Պլաչիդո Դոմինգոյի մասնակցությունը մեր օպերային բեմադրությանը: Այժմ պարտավորագիրն ստորագրված է, և այդ մասին կարելի է խոսել հրապարակավ»,-ասել է Ուրինը:
Նա տեղեկացրել է, որ Դոմինգոն կերգի Ջուզեպե Վերդիի «Տրավիատա» օպերայում: «Նա կկատարի Ժերմոնի դերերգը:
Ես լսել եմ նրա այդ դերերգը. Դա, իմ կարծիքով, հիանալի է»,-նշել է ՊԱՄԹ-ի գլխավոր տնօրենը:
Նրա խոսքով՝ Դոմինգոն կմասնակցի «Տրավիատա»-ի երկու ներկայացման, որոնք պլանավորված են 2020 թվականի ապրիլի վերջին:
«Դոմինգոն Մեծ թատրոնի բեմում ելույթ է ունեցել համերգներում, բայց բեմադրության մեջ կերգի առաջին անգամ»,-ընդգծել է Ուրինը: