Հայաստանի վարչապետ Նիկոլ Փաշինյանը Կառավարության նիստի ժամանակ, իրավապահ մարմինների ղեկավարների ներկայությամբ, հայտարարել է, որ ժամանակին ստացել է կեղծ վարորդական վկայական՝ առանց քննություն հանձնելու։ Նա նշել է, որ երբ ինքը վարորդական իրավունք էր հանում, հայտնի լրագրող լինելով, նույնիսկ չէր կարողացել քննություն տալ, մինչդեռ իրեն 300 մետրի վրա բերում են և առանց դժվարության տալիս են վկայական։ Այս հայտարարությունը բարձրացրել է կեղծ վարորդական վկայականների տրամադրման խնդիրը, որը տարիներ շարունակ համատարած էր Հայաստանում։
Այնուամենայնիվ, Factor TV-ի գրավոր հարցումներին դատախազությունը պատասխանել է, որ քրեական վարույթի առկայության մասին տվյալներ չունեն, ինչը նշանակում է, որ Փաշինյանի հայտարարությունից հետո իրավապահ մարմինները որևէ հետաքննություն կամ վարույթ չեն սկսել։ ՆԳՆ-ից նույնպես չեն տրամադրել որևէ տեղեկություն վարորդական վկայականից զրկելու կամ այլ իրավական գործընթաց սկսելու մասին։ Այս հանգամանքը մտահոգիչ է, քանի որ նմանօրինակ ապօրինի վարորդական վկայականների համար բազմաթիվ քաղաքացիներ ենթարկվում են քրեական հետապնդման։
Նշենք, որ 2022 թվականին Հակակոռուպցիոն դատարանը մեղադրական դատավճիռ է կայացրել 28 անձի նկատմամբ, որոնք կաշառքի դիմաց ապօրինի վարորդական իրավունք են ստացել, և նրանց վկայականները ճանաչվել են անվավեր։ Սակայն վարչապետի հայտարարության պարագայում իրավապահ մարմինների անգործությունը վկայում է իրավական երկակի ստանդարտների մասին։