Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը գործնական և կառուցողական հեռախոսազրույց են ունեցել, որի կենտրոնում եղել են Մերձավոր Արևելքի և Ուկրաինայի հակամարտությունները։ Թրամփը նշել է, որ Պուտինը ցանկանում է օգտակար լինել Իրանի շուրջ ստեղծված իրավիճակի կարգավորման հարցում, սակայն ընդգծել է, որ ավելի օգտակար կլինի, եթե ավարտվի Ուկրաինա-Ռուսաստան պատերազմը։ ՌԴ նախագահի օգնական Յուրի Ուշակովը միաժամանակ հայտնել է, որ ռուսաստանյան կողմը առաջարկել է արագ և դիվանագիտական լուծում Իրանի հակամարտությանը։
Հեռախոսազրույցի ընթացքում շեշտը դրվել է նաև Ուկրաինայի և Ռուսաստանի միջև խաղաղության հաստատման անհրաժեշտության վրա։ Թրամփը ընդգծել է, որ Պուտինի և Ուկրաինայի նախագահ Վլադիմիր Զելենսկու միջև կա հսկայական ատելություն, ինչը խոչընդոտում է համաձայնության հասնելուն։ Երկու ղեկավարներն էլ պատրաստակամություն են հայտնել շարունակել պարբերաբար շփումները և համագործակցությունը՝ իբրև թե տարածաշրջանային լարվածությունը մեղմելու համար։