Ամերիկացի դերասան Նիկոլաս Քեյջը չի նկարահանվի Marvel Cinematic Universe-ի նոր ֆիլմերում։ Այս մասին նա խոսել է Variety-ին տված հարցազրույցում։
Դերասանը նշել է, որ կինոտիեզերքի ֆիլմերից նախընտրում է տարբեր տեսակի գեղարվեստական և անկախ ֆիլմեր, սակայն կարծում է, որ ոլորտում «բոլորի համար բավական տեղ կա»։ Քեյջը նաև առանձնացրել է երկու սիրելի ժանրեր. «Իմ անձնական ֆավորիտը ընտանեկան դրամա է՝ անկախ ոգով», – կիսվել է նա: «Ես սիրում եմ ֆիլմեր, որոնք նկարահանվում են տանը և այն դժվարությունները, որոնց մենք հանդիպում ենք տանը, և թե ինչպես ենք մենք փորձում հաջողության հասնել և ավելի լավը դառնալ կամ տրվել մարդկային փորձի ճնշումներին: Իմ մյուս սիրելի ժանրը, ես կասեի, սարսափն է»,- ամփոփել է դերասանը: