2025 թվականի վերջին Մինեապոլիսի «Quality Learning Center»-ը հայտնվեց սկանդալի կենտրոնում, երբ անկախ լրագրող Նիկ Շիրլիի հրապարակած տեսանյութը ցույց տվեց, որ կենտրոնը, որի ցուցանակը սխալ էր գրված («Quality Learing Center»), դատարկ է, չնայած պետական աջակցությամբ նախատեսված էր 99 երեխայի համար։ Այս կադրերը մեծ արձագանք ստացան, և քննադատները մեղադրեցին Մինեսոտայի իշխանություններին վերահսկողության բացակայության մեջ։
ՀԴԲ-ի տնօրեն Քեշ Փաթելը հայտարարեց, որ Մինեսոտայում խարդախության դեպքերը մեծածավալ են և «Quality Learning Center»-ի դեպքը ընդամենը սկիզբն է։ Նա ընդգծեց, որ ՀԴԲ-ն արդեն ուժեղացրել է իր գործողությունները տարածաշրջանում՝ կանխելու պետական ծրագրերի չարաշահումները։ Չնայած մեղադրանքներին, այս պահին կենտրոնը պաշտոնապես մեղադրյալ չէ, և քննությունը շարունակվում է։
Քաղաքական գործիչները՝ Մայք Լաուլերը, Լիզա Դեմութը, Էլոն Մասկը և այլք, պահանջում են խիստ պատասխանատվություն և վերահսկողության ուժեղացում։ Դեպքը անդրադարձավ նաև Մինեսոտայի Սոմալի համայնքին, իսկ կոնգրեսական Իլհան Օմարը ընդգծեց, որ խարդախության հետևանքով տուժել են նաև համայնքի օրինապահ անդամները։ Այս սկանդալը դարձել է հանրային քննարկման թեմա՝ պետական միջոցների վերահսկողության, ներգաղթի քաղաքականության և խոցելի խմբերի պաշտպանության վերաբերյալ։ Հիմնական սլաքներն ուղղվում են դեպի Մինեսոտայի նահանգապետ Թիմ Վոլցին: