Ֆուտբոլի Իսպանիայի սուպերգավաթի խաղարկությունը մեկնարկել է Սաուդյան Արաբիայում։
Կիսաեզրափակիչ առաջին խաղում միմյանց դեմ մրցեցին «Վալենսիան» և Մադրիդի «Ռեալը»։ Հանդիպման 17-րդ րոպեին «արքայական ակումբին» առաջ մղեց Տոնի Կրոսը՝ անկյունայինից կատարած ուղիղ հարվածով գնդակն ուղարելով Խայմե Դոմենեկի դարպասը։
Մինչ ընդմիջումը Ռեալը կրկնապատկեց առավելությունը․ աչքի ընկավ Իսկոն։ Երկրորդ խաղակեսում Լուկա Մոդրիչը գերազանց գոլով խոշոր հաշիվ ձևակերպեց «Ռեալ»-ի համար։ Մրցավարի կողմից ավելացված ժամանակում Դանի Պարեխոն անվրեպ իրացրեց 11-մետրանոցը։ «Ռեալը» հաղթեց 3-1 հաշվով։
Այսպիսով, «Ռեալը» նվաճեց եզրափակչի ուղեգիր։
Նշենք, որ հունվարի 12-ին Զինեդին Զիդանի թիմը Իսպանիայի սուպերգավաթի համար կպայքարի «Բարսելոնա» – «Աթլետիկո» զույգի հաղթողի հետ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
