Ռոբոտ Սոֆյան արդեն փոքրիկ քույր ունի

Հոնգ Կոնգի Hanson Robotics ընկերությունը, որը ստեղծել է աշխարհում հայտնի ռոբոտ Սոֆյային, այս անգամ ստեղծել է մինի Սոֆյա տարբերակը: Այս մասին հայտնում է Digital Trends-ը:

«Փոքր Սոֆյան արդեն հայտնի դարձած Սոֆյայի քույրն է և Hanson Robotics-ի ընտանիքի նոր անդամը»,- գրել են ռոբոտի ստեղծողները:

Նշվում է, որ մինի Սոֆյայի հասակը 12 դյույմ է, նա ուրախ է և կարող է ժամանակ անցկացնել 7-13 տարեկան երեխաների հետ՝ մասնավորապես աղջիկների հետ:

Փոքրիկ Սոֆյան կարող է նաև քայլել, խոսել, երգել խաղեր խաղալ և անեկդոտներ պատմել:

Գրում է shantnews.am-ը։