Ֆրանսիայի Կառավարությունը մտադիր է օրենքով արգելել սեռական հարաբերությունները ազգականների միջև, որն ավելի հայտնի է որպես ինցեստ։
Այս մասին գրում է The Times-ը։
Նշվում է, որ Կառավարության մտադրության մասին ասել է Երեխաների հարցերով պետքարտուղար Ադրիեն Թաքեն։
Նրա խոսքով՝ ազգականների միջև սեռական հարաբերությունների ապաքրեականացման գործընթացը Ֆրանսիայում սկսվել է հեռավոր 1791 թվականից, երբ պետությունն աստիճանաբար աշխարհիկանում էր։
Այս պահի դրությամբ՝ Ֆրանսիայում թույլատրվում է սեքսն ազգականների միջև, եթե դրանցում ներգրավված չեն երեխաներ։ Բայց, Թաքենի խոսքով, երեխան չի կարող սեռական հարաբերություն ունենալ ծնողի հետ՝ անկախ այն բանից, թե ինչ տարիքի են նրանք։
Պաշտոնյան նշել է, որ իրենք դեմ են ինցեստին։
Սակայն Times-ից նշում են, որ դեռևս չի մանրամասնվել, թե կոնկրետ ում վրա է տարածվելու օրենքը։