Շուշիի մատույցներից զատ, այլ ճակատներում մարտական գործողությունները համեմատաբար թույլ են եղել. այս մասին այսօր ճեպազրույցի ժամանակ ասել է ՀՀ ՊՆ ներկայացուցիչ Արծրուն Հովհաննիսյանը։
«Շուշի եկող ճանապարհներին նոր զորախմբերին ջախջախել են նաև հերոսական քարինտակցիները: Ավելի հարավ, ավելի արևելք այլ բնակավայրերի ինքնապաշտպանական ուժերը անտառային զանգվածի, առանձին ճանապարհներով դեպի նորից Շուշի իրենց մնացորդ զորաջոկատներին օգնության եկող ադրբեջանական ստորաբաժանումներին ջախջախել են մյուս գյուղի բնակիչները: Այսօր Շուշիի հերոսական պաշտպանության օրերից էր․ Շուշին մերն է, Շուշին չի ընկելու, և ինչքան էլ որ դրա մասին բաղձան Ալիևը, վստահեք, լցվեք վստահությամբ, հայոց բանակը մինչև վերջ կռվելու է, ու Շուշին չի ընկնելու»,- ասել է Հովհաննիսյանը: