Ուկրաինային Սլովակիայի կողմից կատարվող էլեկտրամատակարարումները կդադարեցվեն

Սլովակիայի կառավարությունը որոշել է լուծել Ուկրաինային արտակարգ իրավիճակում էլեկտրաէներգիայի մատակարարման պայմանագիրը՝ մեղադրելով Կիևին ռուսական «Դրուժբա» նավթատար խողովակաշարը վնասելու համար։ Այդ երկրի վարչապետ Ֆիցոն սպառնում է Ուկրաինային, որ կարող է միանալ Հունգարիայի կողմից ԵՄ վարկի արգելափակման գործընթացին, եթե «Դրուժբա» խողովակաշարի շուրջ ստեղծված տարաձայնությունը չհանգուցալուծվի։ Ուկրաինան, իր հերթին, պնդում է, որ խողովակաշարը վնասվել է ռուսական հարձակման հետևանքով և վերանորոգման համար ժամանակ է անհրաժեշտ։