Բնապահպան Լևոն Գալստյանը Facebook-ի իր էջում գրել է․
«Քանի որ շատ է խոսվում է Սոթքի հանքից ու բերվում են ինչ-որ ֆանտաստիկ թվեր իրենց վճարած հարկերի վերաբերյալ՝ նշեմ մի քանի թիվ, որ իրականությունը հասկանալի դառնա բոլորին․
Այդ հանքը շահագործող ռուսական ծագման, օֆշորային «ԳեոՊրոՄայնինգ Գոլդ» ընկերությունը 12 տարվա ընթացքում՝ 2009-2020թթ, վճարել է 93,4 միլիարդ դրամ ընդհանուր հարկեր։ Այսինքն տարեկան միջինն ընդամենը 7,8 միլիարդ դրամ (16-17 միլիոն դոլար)։
Ընդորում այդ գումարի 75 տոկոսը՝ 69,5 միլիարդ դրամը, վճարվել է վերջին 5 տարիների՝ 2016-2020թթ ընթացքում։
Դրա հետ միասին 2010-2015թթ ընթացքում այդ ընկերությունը հայտարարագրել է 19,5 միլիարդ դրամի (48 միլիոն դոլար) հարկային վնասներ։
Վերահսկիչ պալատը պարզել էր, որ այդ ընկերությունը 2004 թ. հուլիսի 1-ից մինչև 2008 թ. փետրվարի 29-ը Սոթքի և Մեղրաձորի ոսկու հանքավայրերն ապօրինաբար է շահագործել` առանց ուժի մեջ մտած լիցենզիաների: Բացի այդ, Սոթքի և Մեղրաձորի հանքերը շահագործող «ԳեոՊրոՄայնինգ Գոլդ» ընկերությունը հարկային մարմիններին ներկայացրել է, թե 2007-2010թթ իբր վնասով է աշխատում, հետևաբար, ոչ մի լումա չի մուծել պետական բյուջե:
Եղեք տեղեկացված ու մի խաբնվեք մակերեսային տեղեկություններին ու ոչ լիարժեք ներկայացվող թվերին։
Բոլոր թվերը վերցված են պաշտոնական բաց աղբյուրներից»։
https://www.facebook.com/LevonGalstyan67/posts/3665494110140629?__cft__%5B0%5D=AZXBPGvXZjtbAocM3py-FrgrfyVw9OXkFTSXQmXjz29C0iiHVn0Bl2bVIBTmN8l-Y_VImHqsBa7neiztdWwxSuGoPUvGcG8mKZxRJcZXD0N9Vzjuraq7ATLgWjTcuwcpcyM&__tn__=%2CO%2CP-R