Ամերիկայի Միացյալ Նահանգների ղեկավարը գանգատ չի ունեցել կրծքի որևէ ցավի վերաբերյալ, իսկ անցյալ հանգստյան օրերին բժշկական հետազոտությունը Մերիլենդի նահանգի Ուոլթեր Ռիդի անվան հոսպիտալում եղել է պլանային: Այդ մասին հաղորդում է Սպիտակ տան գլխավոր բժիշկ Շոն Քոնլին նոյեմբերի 18-ին տարածած եզրակացության մեջ:
«Նախագահը կրծքի ոչ մի ցավ է չի ունեցել, և որևէ արտահերթ կամ անհետաձգելի խնդիրների պատճառով ոչ մի կարգի հետազոտություն կամ բուժում չի ձեռնարկվել»,-նշված է հայտարարության մեջ:
Բժշկի խոսքով՝ դա եղել է ստանդարտ, պլանային միջանկյալ հետազոտություն:
Հանգստյան օրերի վերաբերյալ նախագահի պաշտոնական գրաֆիկում, որը նոյեմբերի 15-ին տարածել է Սպիտակ տան մամուլի ծառայությունը, հոսպիտալ ուղևորությունը չի նշվել: Այդ ֆոնի վրա Twitter սոցիալական ցանցում տարատեսակ շահարկումներ են հայտնվել Վաշինգտոնի վարչակազմի ղեկավարի առողջության թեմայով, մասնավորապես, սկսել է լուր տարածվել այն մասին, թե Մերիլենդ Թրամփի ուղևորության պատճառ են դարձել իբր կրծքի ցավերը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
