Սպորտի և երիտասարդության հարցերի նախարարության նախարարի պարտականությունները կատարող Գաբրիել Ղազարյանը լրագրողների հետ զրույցում նշեց, որ պատրաստվում են սպորտի ոլորտում հեղափոխություն կատարել:
Նախարարի խոսքով՝ ֆիզկուլտուրան պարտադիր գործոն է, որը պետք է մտնի մեր մշակույթի մեջ։ Նա ասաց, որ մայիսին Երևանում անցկացվելու է սպորտային պարերի աշխարհի առաջնություն։
Գաբրիել Ղազարյանը նաև նշեց, որ այս տարի մեկնարկ կտրվի բարձրագույն վարպետության դպրոցի ստեղծման, որը շատ են կարևորում:
Նա նաև նշեց, որ բոլոր մարզիչներին բերելու են բժշկական ապահովագրության դաշտ: